Бу көнне

28 апрель
Киң колач белән
“Мөслим” совхозы кырларына тракторлар гөрелтесе әйләнеп кайтты. 21 апрельдә 15 агрегат туңга сөрелгән җирләрне тырмалауга керештеләр. Бер көн эчендә 800 гектар җир эшкәртелде. Механизаторлар тырмалауны өч көн эчендә төгәлләү өчен көрәшәләр.
Ихтирамга лаек
Сәлимә Сәгыеваны “Маяк” колхозында һәркем ихтирам итә. Моны ул үзенең фидакарь хезмәте белән яулады. Сәлимә озак еллар терлекчелектә эшләде. Моннан ике ел элек ул үзе теләп товарлыклы-сөтчелек фермасына күчә. Биредә дә сынатмый, алган йөкләмәләрен намус белән үти.
Сәхифәне Наилә  Сәлахова әзерләде.

Фото "Мөслим-информ" архивыннан.