Бу көнне

1989 ел, 2 март

Күңелләргә хуш килде

Мәлләтамак урта мәктәбе коллективы тарафыннан  Совет Армиясе һәм Хәрби Диңгез Флотының  71 еллыгына багышланган  “Солдат хатлары” кичәсе уздырылды. Совет Армиясе сафларында хезмәт итүче 13 егетнең мәктәпкә юлланган хатларын укыдылар. Һәр солдат хаты  туган якны сагыну, туып-үскән җиргә мәхәббәт белән сугарылган иде. Солдатлар соравы буенча алар яраткан җырлар башкарылды.  Кичә тамашачыларда җылы тәэсир калдырды, бигрәк тә солдатларның ата-аналарына чын бәйрәм булды.

Солдатларның ата-аналары исеменнән Ф.Сафина.

Сәхифәне Наилә Сәлахова әзерләде

Фото - "Мөслим-информ" архивыннан