Шуганка халкы актив тормыш рәвешен сайлый!

 Шуганка авылы мәдәният йортында “Сызыклы бию” дип исемләнгән сәламәтлек дәресе уза!

Сызыклы биюләр — гадилеге һәм аңлаешлылыгы белән аерылып торган, шул ук вакытта сәламәтлек өчен бик файдалы хәрәкәт төре. Алар соңгы елларда өлкән яшьтәге кешеләр арасында аеруча популярлык казана бара.

Бу дәресләр барышында катнашучылар музыка ритмына туры китереп гади хәрәкәтләр башкара, бу исә организмны ныгытырга, хәрәкәт активлыгын арттырырга һәм кәефне күтәрергә ярдәм итә. Мондый биюләр йөрәк-кан тамырлары системасына да уңай йогынты ясый, хәтерне активлаштыра һәм стрессны киметә.

Иң мөһиме — мондый чаралар кешеләрне берләштерә, аралашу мөмкинлеге бирә һәм күңелле ял итү мохите тудыра.

Шуганка халкы актив тормыш рәвешен сайлый!

Фотолар - Шуганка мәдәният йортыннан.