Эсседә помидорларга суны ничек еш сибәргә?

 Термометр баганасы күләгәдә 35 градусны күрсәтсә, төнлә +19дан төшмәсә, помидор үсеше акрыная, ул дымны бик сак тота башлый.
Эссе көнне помидорга суны иртән һәм кичен бары тик төбенә генә сибегез.
Помидорга ясалма күләгә булдыру да яхшы. Көндез помидор куаклары бәйләнгән таякларга кул астында булган тукыманы ябып торыгыз.
Тамыр тирәсенә мүлчә җәегез. Ул дымны озаграк сакларга булыша. Туфракны да катырмый. Югыйсә каты туфрак аша тамырлары яхшылап сулый алмый.
Теплицада җилләтүгә игътибар итегез. Кызу көндә ишекләре дә, тәрәзәсе дә ачык торсын. Моңа өстәп, астагы һәм башка куелатып торган ботакларын кисеп атыгыз.
Тукландыруга да сак карагыз. Кешенең дә эсседә ашыйсы килмәгән кебек, үсемлекләрдә дә шулай ук.
Помидор куакларын гел селкеткәләп алыгыз, бу серкәләндерү өчен кирәк.

Оксана Исламова фотосы