Уртак максат белән уңышка ирешеп була
Мөслим авылында яшәүче Ландыш һәм Илшат Вәлиевларны райондашларыбыз тырыш, үрнәк гаилә буларак белә. Гаилә 2014 елда крестьян-фермер хуҗалыгы төзеп, мөгезле эре терлек симертү юнәлешендә үз эшен башлап җибәрә.
– Эш башлаганда бик күп авырлыклар белән очрашырга туры килде. Шөкер, үҗәтлек белән аларны җиңдек. Хөкүмәтнең дә ярдәме булды. 2015 елда 3 миллионга якын грант отып, Торыш авылында ферма төзедек һәм терлекләр сатып алдык. Бүген безнең хуҗалыкта 250 баш эре терлек бар. Узган елларда сезонына 3 мең каз үстереп саттык. Агробизнеска улыбыз Раил дә тартылды: бөтен эштә дә ярдәм итә. Исәбе – терлекләр санын 300дән арттыру, – ди Ландыш Вәлиева.
Фермер хуҗалыгын төзү өчен гаиләдә икеңнең дә хезмәт яратуы кирәк. Ландыш белән Илшат шундыйлардан: үҗәтләнеп эшлиләр.
– Яшь идек әле, шулай да, ашыйсы килгән тәм-томнан баш тартып, җиде кат тирне агызып ике катлы йорт төзедек. Дистәләп үгез, савым сыеры, йөзләп каз, тавык-чебеш асрадык. Сәламәтлек бетә дип, бер карарга килеп, фермер хуҗалыгы төзергә булдык. Торыш – кайнатамның туган авылы. Мөслимнән 30 чакрым ераклыктагы авылда иске ферма торакларын арендага алып, анда терлекләр үрчетә башладык, – дип искә ала Ландыш.
Лилия Шәймиева
Фото – Вәлиевларның шәхси архивыннан.
Тулырак "Авыл утлары" газетасының 2023 ел 17 ноябрь санында укыгыз.
Безнең телеграм каналга кушылыгыз! Телеграм-канал
Нет комментариев