Көзге ярминкәләр

Яр Чаллы шәһәрендә авыл хуҗалыгы ярминкәләре үтә. Анда райондашларыбыз да бик теләп катнаша. Бүген шундый ярминкәләрнең берсенә район башлыгы Альберт Хуҗин, район авыл хуҗалыгы һәм азык-төлек идарәсе белгечләре белән берлектә Иске Карамалы, Метрәй, Крәш. Шуран, Яңа Усы, Тойгелде авыл җирлекләре уңганнары да барды.

Шәхси ярдәмче хуҗалыкларның продукциясе - кәбестә, кабак, суган, сарымсак, икмәк-булка эшләнмәләре, бал, каз, каз субпродуктлары, виктория һәм кура җиләге үсентеләре, көзге чәчәкләр, җиләк-җимеш культуралы үсемлекләре һәм куакларын шәһәр халкы куанып сатып алды.

Әлеге хакта район авыл хуҗалыгы һәм азык-төлек идарәсе хәбәр итә. 

Районыбыз мелиораторлары да бүген Казан ярминкәсендә катнашып, үзләре җитештергән продукция белән сату итә. 

Эльвира Шабаева фотолары.