Яр Чаллы шәһәрендә ярминкәдә

Яр Чаллы шәһәрендә көзге ярминкәләр дәвам итә. Авыл хуҗалыгы һәм азык-төлек идарәсе белән берлектә узган атнада Михайловка, Рус Шуган, Метрәй, Олы Чакмак, Әмәкәй авыл җирлекләре дә шәһәр халкына зур ассортиментта азык-төлек тәкъдим иттеләр. Мөслимлеләрнең бренды булган каз - ярминкәнең түрендә булды. Моннан тыш сөт, сөт продуктлары, бал, пешкән камыр ризыклары да күп иде. Авыл җирлекләре ярминкәгә мул табын әзерләп килеп балалы әниләрне һәм пенсионерларны кайнар чәй белән сыйладылар. Өйдә басып киселгән токмачларны сатып, кергән акчасын махсус хәрби операциядә катнашучыларга җибәрәчәкләр - дип хәбәр итәләр авыл хуҗалыгы һәм азык-төлек идарәсеннән.

Фотолар - авыл хуҗалыгы һәм азык-төлек идарәсеннән