Татарстанда буран һәм кар көтелә

admin, 2 февраль 2026 - 08:30

Кичкә һава температурасы кичкә -7..-12 градуска, көнбатыш районнарда -20 градуска кадәр түбәнәя

Татарстанда бүген республиканың аерым районнарында бераз кар, шулай ук буран булыр дип фаразлана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Көньяк-көнчыгыштан секундына 6-11 метр тизлектә искән җил көньяк-көнбатышка күчә, урыны белән аның тизлеге 14 метрга кадәр көчәя.

Һава температурасы көндез -2..-7, көнбатыш районнарда урыны белән -15 градус тәшкил итә, кичкә -7..-12 градуска, көнбатыш районнарда -20 градуска кадәр түбәнәя.

Республика юлларында кар көртләре һәм бозлавык көтелә.

Искәртеп үтәбез, республикада «Буран» планы гамәлдә. Шуңа бәйле рәвештә Казанда муниципаль парковкалар бүген бушлай булачак. Моннан тыш, Казан мәктәпләрендә дәресләр дистанцион форматка күчерелде.

Фото: © «Татар-информ», Салават Камалетдинов

Чыганак: Татар-информ

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia

Безнең телеграм каналга кушылыгыз! Телеграм-канал

Без "Дзен"да! Д зен