Үзәк китапханәдә районара семинар үткәрелде (+фоторепортаж)
20 районнан килгән кунаклар китапханә эшчәнлеге белән таныштылар.
Мөслим үзәк китапханәсе мәртәбәле кунакларны кабул итте.
2022 нче елда Мөслим үзәк китапханәсе ”2014-2025 елларда Татарстан Республикасы мәдәниятен үстерү” дәүләт программасы нигезендә Татарстан Республикасында модельле китапханәләр төзү буенча конкурста катнашып җиңүче исемен яулады һәм 3 000 000 сумлык грантка ия булды.
– Безгә ышаныч белдереп, хезмәтебезгә олы бәя биргәннәре өчен ТР мәдәният министрлыгына, конкурс комиссиясенә, Республиканың милли китапханәсе, яшьләр китапханәсе базаларында эшләгән проект офисына олы рәхмәтләребезне җиткерәбез, – диде районның үзәк китапханә җитәкчесе Айсылу Мадъярова.
Тантанага китапханәнең зур шатлыгын уртаклашырга ТР Яшүсмерләр
китапханәсе директоры Наилә Вәлиуллина, ТР Милли китапханәсенең әйдәүче китапханәчесе Гөлнара Фәтхуллина, республиканың район һәм шәһәр китапханәләре җитәкчеләре, методистлары килгән иде.
Лилия Шәймиева фотолары
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев