30 градуслы эсселәр кире кайта
Якын көннәрдә Татарстан территориясендә янә 30 градуслы эсселек урнашачак. Бу хакта Гидрометеоүзәк хәбәр итте.
Татарстан синоптиклары мәгълүматлары буенча, чәршәмбедән эссе һава торышы кире кайта. Бу көнне көндез һава температурасы +25..+30 градус, төнлә +11..+16 градус җылы булачак. Әмма Россия гидрометеоүзәге фаразлары буенча, бу көнне 27 градуска кадәр җылылык һәм яңгырлы һава торышы көтелә.
Федераль белгечләр мәгълүматлары буенча, җомга һәм шимбә көннәрендә 32 градуска кадәр җылытачак. Якшәмбе көнне һава температурасы бераз түбәнрәк булачак - +29 градуска кадәр.
Атнаның икенче яртысында көчле булмаган җил көтелә.
Тулырак: https://tatar-inform.tatar/news/tatarstanga-30-gradusly-esselar-kire-kaita-5874063
Фото "Татар-информ" архивыннан.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев