Страус фермасына экскурсия

"Яшьлек" лагеренда ял итүче балаларның әйләнә-тирә дөнья турында белемнәрен тирәнәйтү максатыннан, балаларны страус фермасына экскрсиягә алып бардылар. Анда укучылар экзотик хайван төрләре белән таныша алдылар. Балалар безнең якларда  очрамый торган страусларны беренче тапкыр күрделәр. Ферма хуҗасы балаларны бу хайваннарның гадәтләре, яшәү шартлары һәм туклану үзенчәлекләре белән таныштырды. Шәхси ферма территориясендә балаларга табигатьнең искиткеч дөньясы белән аралашу мөмкинлеге тудырылды, - дип язалар "Яшьлек" лагереннан.

Фото - "Яшьлек" лагере архивыннан