«Яшьлек» лагеренда ГТО тапшырдылар
«Яшьлек» лагеренда ял итүче балалар күңелләренә хуш килгән чараларда катнашалар.
Түбән Табын интернат - мәктәбе базасында оештырылган “Яшьлек” лагеренда көн саен төрледән-төрле чаралар үткәрәләр. Физкультура-спортны аеруча үз иткәннәр ГТО нормативларын тапшырдылар. Балалар озынлыкка сикерделәр, идәннән күтәрелделәр, алга иелделәр һәм йөгерделәр. “Тапшырган нормативлар рәсмиләштерелеп бердәм системага кертелә һәм уку елы башлангач нәтиҗәләр буенча күкрәк билгеләре тапшырылачак”, - ди район буенча ГТО администраторы Расил Фәттахов. Мәктәптән тыш эшләр үзәге педагоглары көн саен түгәрәкләр уздыралар. Лилия Бәдртдинова робототехника берләшмәсендә балаларга роботларны җыю һәм ярыштыру серләренә өйрәтә.
Наилә Сәлахова фотолары
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев