Балагыз кайда ял итә?

Михайловка һәм Мөслим урта мәктәпләрендә һәм гимназиядә лагерьлар 1 июньнән 21 июньгә кадәр эшләячәк. Мөслим лицее базасында бердәм дәүләт имтиханнары бару сәбәпле, биредә мәктәп лагере 17 июньдә эшли башлый. Мәктәп яны лагеренда ял итү өчен әти-әниләр взносы 769 сум тәшкил итә.

– Балаларны ике мәртәбә кайнар аш белән тукландыру оештырылган. Иртән – ботка яисә йогурт һәм компот; төшке ашта – беренче һәм икенче аш, салат, компот бирелә. Һәр көнне печенье, вафли, конфет таратабыз. Вожатыйлар тәҗрибәле, һәрберсе эшен җиренә җиткереп башкара, балаларны төрле шөгыльләр белән кызыксындыралар. Балалар бик теләп йөри, экскурсияләрдә, мастер-классларда актив катнаша, – ди Мөслим гимназиясенең мәктәп яны лагеренда өлкән вожатый Миләүшә Хәсәнова.

Тулырак «Авыл утлары» газетасының 2024 ел 7 июнь санында укыгыз.

Лилия Шәймиева фотосы