Торыш кызы
Миләүшә Миңнегалиева – Торыш авылы кызы. Өч балалы гаиләдә беренче бала булып дөньяга аваз салган кыз беренче сыйныфка укырга барганда ук ”Мин ак халат киячәкмен!” дип уйлый.
Гомер буе колхозда эшләгән әти-әнисе кызларының медицина белән бәйле һөнәрне сайлавына риза-канәгать була.
– Урта мәктәпне тәмамлагач, Минзәлә медицина училищесына укырга кердем. Аннан соң юллама буенча район үзәк хастаханәсенең неврология бүлегендә шәфкать туташы булып эшли башладым. Соңрак мине Ольгино авылы фельдшер-акушерлык пунктына билгеләделәр. Аннан хезмәтемне район үзәк хастаханәсенең терапия бүлегендә дәвам иттем, – ди Миләүшә.
Бүген ул район поликлиникасында диспансеризация кабинеты шәфкать туташы булып эшли.
– Авылыбыз фельдшеры Роза апа минем өчен үрнәк кеше, русчалатып әйткәндә, кумирым булды. Хәтерлим әле, медпунктка баргач, аннан килгән дару исен яратып исни идем, – ди искә ала Миләүшә.
Тырыш хезмәте өчен райондашыбыз район башлыгы һәм ТР Сәламәтлек саклау министрлыгының Рәхмәт хатлары белән бүләкләнгән.
Фото М.Миннегалиеваның шәхси архивыннан
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев