Урманда учак ягучыларга 500 мең сумга кадәр штраф салачаклар

      “Көннәр бик кызу тора. Урманнарда учак ягу катгый тыела. Закон бозучылар штрафка тартылачак. Аның күләме гади кешеләр өчен 2-4 мең сум булса, юридик затларга – 500 мең сумга кадәр. Урман-әрәмәләрдә, болыннардагы биек коры үлән янгын куркынычын тагын да арттыра. Шуңа күрә табигатькә ял итәргә чыкканда халык аеруча игътибарлы булырга, янгын куркынычсызлыгы кагыйдәләрен төгәл үтәргә тиеш. Саксыз эш итү нәтиҗәсендә үзебезгә генә түгел, башкаларга да зыян килү куркынычын истән чыгармыйк!" – ди Мөслим һәм Сарман районнары буенча янгын күзәтчелеге бүлеге хезмәткәрләре.