Тырыш егет, кыю солдат

Электроэнергетика һәм элек­тротехника буенча белем ал­ган якташыбыз бүгенге көндә ар­мия сафларында хезмәт итә. Уку­да алдынгы булган кебек Ил­нар хәрби хезмәттә дә уңышларга ирешә. Бу хакта аның әти-әнисенә адресланган хат та сөйли. Аңа РФ милли гвардия гаскәрләренең Ф.Э.Дзержинский исемендәге опе­ратив билгеләнештәге Жуков, Ленин һәм Октябрь Революциясе орденлы Кызыл байраклы аерым дивизиясе командиры Н.А.Кузнецов кул куйган. Мәскәү янындагы хәрби частьтән килгән Рәхмәт хатында мондый юл­лар бар: “Хөрмәтле Гөлнур Расыйх кызы һәм Илфар Зинир улы! Сезнең улыгыз Илнар Шәйхелмәрданов хәрби бурычын үрнәк башкаруы белән аерылып тора. Ул хәрби эшнең чын остасына әверелде, техника һәм корал белән эш итә белә. Тәртипле, куйган максатына ирешә. Бурычын үтәгәндәге тырышлыгы һәм инициа­тивасы өчен берничә тапкыр макта­уга лаек булды.

Улыгызны чын патриот, Ватан сакчысы итеп тәрбияләвегез өчен рәхмәт сезгә. Эшегездә уңышлар, иминлек телим”.

Әти-әнисе, туганнары, дуслары Илнарның кайтуын зур түземсезлек белән көтә. Тиздән җитәчәк демоби­лизация көннәрен Илнар үзе дә бар­мак бөгеп саныйдыр. Исән-сау кайт, Ватан сакчысы!