Тукай районындагы янгында һәлак булган җиденче кешенең мәете табылган
Татарстанның Тукай районында шәхси йорт янган урында һәлак булган җиденче кешенең мәетен тапканнар. Ул – балигъ булмаган бала. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр
Шул рәвешле, Сәет авылындагы янгында һәлак булучылар саны җидегә җитте, шуларның дүртесе – балалар.
«Татар-информ» агентлыгы Сәет авылында янкормалы бер катлы агач йортта янгын чыгуы хакында элегрәк хәбәр иткән иде. Янгынның гомуми мәйданы 100 квадрат метр тәшкил иткән.
Ачыкланган мәгълүматлар буенча, йортта 8 кеше (шуларның дүртесе – балалар) яшәгән. Полиция хезмәткәрләре әйтүенчә, гаилә имин түгел.
Агентлыкка билгеле булганча, янгыннан урамга чыгып котылган балаларның әнисенә – 29 яшь.
Фото Россия Гадәттән тыш хәлләр министрлыгының ТР буенча Баш идарәсе матбугат хезмәте
Бу хакта тулырак: https://tatar-inform.tatar/news/tatarstannyn-tukai-raionynda-ide-kesenen-gomeren-ozgan-yangynnyn-video-cykty-5872548
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев