ТР сәламәтлек саклау министрлыгы Түбән Камада коронавирус кабынуы турында фейкны кире какты
Татарстанның сәламәтлек саклау министрлыгыда «Эхо Москвы» радиосының эфирында яңгыраган Түбән Камада коронавирус кабынуы турындагы мәгълүматны кире какты, аны фейк дип атадылар.
Бу хакта ведомство сайтында хәбәр ителә.
Алып баручы Юлия Латынина радиоэфирда, Татарстан шәһәрләренең берсендә коронавирус эпидемиясенә каршы көрәш буенча кайбер проблемалар барлыгын сөйләде.
«Без кайсы шәһәр турында сүз баруын ачыкладык. Бу-Түбән Кама. Дөрес булмаган мәгълүмат инде берничә тапкыр кире кагылды. ТР сәламәтлек саклау министрлыгы бу шәһәрдә пневмония кабынуы юк, дип рәсми рәвештә белдерә. 2019 елның апрелендә пневмония белән авыруның 97 очрагы теркәлгән, 2020 елның 12 апреленә нибары 38 очрак теркәлгән», — дип хәбәр итәләр ТР Сәламәтлек саклау министрлыгында.
Түбән Кама сәламәтлек саклау идарәсе һәм ТР Сәламәтлек саклау министрлыгы җитәкчелеге табибларны һәм медперсоналны индивидуаль яклау чаралары булу һәм тулыландыруны көн саен контрольдә тота.
ТР сәламәтлек саклау министрлыгында республика халкын тикшерелмәгән мәгълүматка ышанмауларын сорыйлар.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев