Мөслимлеләр "Тоталь диктант" язачак

Тоталь диктант – теләсә кем бушлай ирекле рәвештә яза торган диктант. Ул  бөтен дөньяда бер көнне үтә. Быел тоталь диктантны 13 апрель көнне язачаклар.

Тоталь диктантны төрле яшьтәге кешеләр яза. Текстны билгеле шәхесләр  укый. Бер урында текстны аның авторы да укый. Текст җентекләп, ачык итеп укыла.

Тоталь диктант – грамотаңны тикшерү өчен уникаль мөмкинлек, “отличник”лар өчен күңелле бүләкләр дә бар.

Диктантны филологлар тикшерә. Нәтиҗәләрне Тоталь диктант сайтыннан белергә мөмкин.

Тоталь диктант язырга теләүчеләрне 13 апрель көнне 14.00 сәгатьтә Мөслим авылы, Г. Тукай урамы, 21 йорт адресы буенча Габдулла Тукай исемендәге Мөслим урта мәктәбендә көтәләр.

Фото– Рixabay.com