Сүз иминлек турында барды

Бүген район Советы каршында узган иртәнге планлаштыру утырышында иминлек турында сүз барды. Баш табиб Рамил Морзаханов райондагы эпидемиологик һәм демографик ситуаөия турында сөйләде. Ел башыннан җирлегебездә 99 кеше дөньяга аваз салган, 305 райондашбызы якты дөнья белән хушлашкан. Мөслимлеләрнең уртача яше – 73,8 яшь. 2 меңгә якын райондашыбыз инвалидлык статусын алган. Шуларның 100дән артыгы – балалар. Башкарма комитет җитәкчесенең социаль-мәдәни мәсьәләләр буенча урынбасары Марина Бәдретдинова инвалидлар ункөнлегенә планлаштырлучы чаралар белән таныштырды. Утырышта кош гриппына бәйле карантин игълан ителүе дә хәбәр ителде. Күрше-тирә авыллар да шик астында, ди ветеринарлар.