«Күренеп тор!» акциясе уздырылды

Мөслимнең «Карлыгач» балалар бакчасында «Күренеп тор!» акциясе уздырылды. Аның максаты – киемнәрдә яктырткыч элементлар булдыруны популярлаштыру. Акциянең көз, кыш айларында үтүе очраклы түгел. Чөнки тәүлекнең якты вакыты көннән-көн кими, юлларда да күз күреме начарлана. Җәяүлеләрне яктырак булырга, ерактан күренеп торырга өндәүче бу акция күп әти-әниләрне кызыксындырды. Балалар бакчасында алдан ук «Иң якты, күренеп торучы гаилә» («Самая заметная семья») исеме астында фотобәйге игълан ителгән иде. Бәйгедә 16 гаилә катнашып, үзләренең фотоларын тәкъдим иттеләр. Акция барышында аларнын фотосурәтләре тематик күргәзмә дә эленеп торды. Профилактик чара барышында бакчаның яшь юл хәрәкәте инспекторлары әти-әниләргә һәм балаларга мөрәҗәгать иттеләр, юл кагыйдәләрен һәрвакыт белергә, караңгыда яктырак булырга чакырдылар. Фотобәйгенең җиңүчеләре Афзаловлар гаиләсе булды. Аларга «Юл иминлеге» дәүләт бюджет учреждениесенең кыйммәтле бүләге тапшырылды. Гаиләләр дә конкурста актив катнашып махсус бүләкләргә, дипломнарга  ия булдылар.

Фото https://www.instagram.com/p/B6KsVG3qZyV/