Гамбургерның туган көне

Бүген гамбургерның туган көне. Бәйрәм Америка кухнясы символына – күмәч, ит котлеты, салат яфраклары, помидор телемнәре, маринадланган кыяр һәм суган, сыр һәм соуска багышланган.

Тарих

Беренче гамбургерны 1900 елның 27 июлендә Нью-Хейвен шәһәрендә америкалы Луи Лессинг уйлап тапкан һәм саткан. Ул көнне бер клиент аңа фаст-фудка заказ бирә. Луиның ул вакытта стейклары тәмамланган була. Бер мизгелгә генә югалып калгач, ул калган иттән котлет ясый һәм аны ике кисәк тост уртасына куя. Бутерброд клиентка ошый.

Гамбургер популяр фаст-фудка әйләнгәч, аның уйлап табучысы исеменә башка дәгъвачылар да пәйда була. 2000 елда АКШ Конгрессы китапханәсе Лессингны сэндвичны котлет белән беренче итеп ясаган кеше дип атый.

Кызыклы фактлар

Сэндвич исеме немец шәһәре Гамбург исеменнән килеп чыга. Бер чыганак буенча, нәкъ менә аннан ризык әзерләү рецепты Америкага эләккән.

Гамбургерларның төрләре: сыр белән чизбургер, итле котлет урынына балык белән фишбургер, итсез, вегетариан варианты – гарденбургер.

2012 елда Миннесота штатының Карлтон өлкәсендә 913,54 кг авырлыктагы дөньядагы иң зур бургерны әзерләгәннәр.

Лас-Вегаста урнашкан ресторанның хуҗасы һәм персоналы бу ашның сәламәтлек өчен зарарлы булуын яшерми. Шул ук вакытта әлеге ресторан 160 кг югары авырлыктагы кешегә бушлай бер порция бургер бирелү белән дә популяр.

фото Racool_studio - ru.freepik.com