Файдалы киңәшләр. Макарон пешерү серләре

Челтәрләр 
Әгәр бүлмәгездә ак синтетик челтәр бар икән, аны юып киптергәндә кояш нурлары төшмәслек җиргә элегез. 
Кер юу 
Кайбер тукымаларны аерым юарга кирәк. Кер өчен капчыкларны кибеттән алырга ашыкмагыз, моның өчен гап-гади юрган тышлыгы да бара. 
Макарон пешерү 
Ваграк макаронны пешеп чыкканчы кайнатмагыз. Су кайнап чыккач, макаронны салып болгатыгыз да, газны сүндереп, кәстрүл капкачын каплагыз. 10 минуттан әзер булачак. 
Һаваны сафландыру 
Ислемаегыз беткәч, аның флаконын ташларга ашыкмагыз. Дозаторын алып, флаконга су салыгыз һәм шунда берничә агач таякчык тыгып куегыз. Алар хуш исле дымны сеңдереп, һавага таратып торачак.

Фото-Pixabay.com