Эшмәкәрләр  җыены узды

Бүген күпфункцияле үзәктә район Башкарма комитетының территориаль үсеш бүлеге тарафыннан оештырылган эшмәкәрләр  җыены узды. Анда төрле юнәлешләрдә эшләүче шәхси эшмәкәрләр, крестьян-фермер хуҗалыклар җитәкчеләре, үзмәшгульлек белән шөгыльләнүчеләр катнашты. Җыенны район Башкарма комитеты җитәкчесенең беренче урынбасары Рөстәм Ильясов алып барды. Чарада катнашучылар үзләрен кызыксындырган сорауларны бирделәр, борчыган мәсьәләләрне күтәрделәр. Төрле килешүләр төзү, салымнар, касса аппаратларын куллану һәм салым системасындагы яңалыклар белән таныштылар.  Җыенда ТР эшмәкәрлеккә ярдәм фондының Мөслим районындагы региональ вәкиле Гүзәл Сәетгалиева һәм 11 санлы Түбән Кама салым инспекциясе вәкилләре катнашты һәм сорауларга җавап бирде.

Фото-Pixabay.com