Бу көнне Мөслимдә

1973 ел

31 май

Агитпункт – пропаган­да үзәге

Һәр атнаның җомга көнендә сайлаучылар белән түгәрәкләр уздырабыз. Анда сайлаулар турындагы Поло­жение аңлатылды. Депутат­лыкка кандидатлар белән та­ныштырылды. 167 яшьлек де­путат Ширали Мислимов ту­рында әңгәмә, КПССның ХХIV съезды материалларына ба­гышланган лекция сайлаучы­ларда уңай тәэсир калдырды.

Х. Фәттахова,

район китапханәсе мөдире.

Солдат озату

Иске Вәрәш клубын­да Мөхтәр Хафизов, Хәким Авзаловның Совет Армия­се сафларына китүенә ба­гышланган яшьләр кичәсе узды. Егетләргә бүләкләр би­релде, авылдашлары аларга уңышлар теләде. Ике егет тә армиядән авылга кайтачакла­рын әйтте, илебезне уяу са­клаячакларына ышандырды.

Ф.Баһаветдинов.

1 июнь

Пионерлар алгы сафта

Район пионер оешмасы 25 дружина һәм 168 отряд­ны берләштерә. Бүген 4558 яшүсмернең күкрәген кы­зыл галстук бизи. Барлык пи­онер отрядларында сборлар үтте. В.И.Ленин исемендәге Бөтенсоюз пионер оешмасы төзелүгә 51 ел тулу уңае белән рапортлар бирелде.

Г.Шәмсиева,

Р.Низамова.

Сәхифәне Мөнирә Арсланова әзерләде.

Фото – "Мөслим-информ" архивыннан.