Бөек Җиңү өчен рәхмәт әйтеп

Бөек Ватан сугышында Җиңүгә быел 77 ел була. Илебезгә җиңү китергән өлкәннәр бу көннәрдә тәбрикләүләр кабул итә. Районыбызның бердәнбер сугыш ветераны – Баек авылында яшәүче Салих Госмановны район башлыгы өенә барып котлады.  Район башлыгы Альберт Хуҗин ветеранга РФ Президенты В.Путинның котлавын җиткерде. Күчтәнәчләр һәм түбәтәй бүләк итте.Район башлыгы бу көнне Баек авыл җирлегендә яшәүче хезмәт ветераннары белән дә очрашты. Дусайдан Сәрмәдия Мирзаянова белән Нәдип Ракыйпов шушы көннәрдә туган көннәрен билгеләп үтә. Алар да район башлыгыннан күчтәнәчләр кабул итте.

Фотолар - Муслюмовский муниципальный район алынды.