“Атлап баручы автобус” урамнарда йөрде. Фоторепортаж

Аның максаты – балаларны юл-урам инфраструктурасы белән таныштыру, балаларны урамда, юлда үз-үзләрен тоту тәртибенә өйрәтү. Балалар сары яктырткыч жилетлар киеп, шигырьләр сөйләп Мөслимнең Пушкин, Банк урамнары буйлап йөрде. Шулай ук “Миләшкәй” бакчасында тәрбияләнүчеләргә, мәктәп яны лагеренда ял итүчеләргә юл хәрәкәте иминлеге темасына агитбригада чыгышы да күрсәтте. Балалар белән сәяхәткә ЮХИДИ инспекторы Феликс Мәгъданов һәм “Юл иминлеге” дәүләт бюджет учреждениесенең район бүлекчә җитәкчесе Алсу Ситдыйкова да чыкты. Алар балаларга юл билгеләре, җәяүле кичүләре, ясалма тигезсезлекләр, тротуарлар, җәяүле сукмаклары турында сөйләде.