Алмаз Галимов – фән докторы

Метрәй урта мәктәбен тәмамлаган Алмаз Галимов педагогия фәннәре докторы булды. Алмаз Галимов Казан педагогия университетында кафедра мөдире, проректор булып эшләде. Бүгенге көндә ул – Идел буе физкультура, спорт һәм туризм дәүләт академиясендә укыту-тәрбия буенча беренче проректор. Алмаз Галимовның бүген китап итеп чыгарылган 6 фәнни эше, өч монографиясе бар. Егерме биш эше фәнни журналларда басылган. Төрле конференцияләрдә һәм форумнарда ясаган чыгышлары 36 язма итеп чыгарылган. Якташыбызны әлеге исемгә ия булуы белән котлыйбыз, эшендә уңышлар һәм сәламәтлек телибез.