Суд карары чыкты

16 июль көнне мировой судья спиртлы эчемлекләр кулланган хәлдә рульгә утырган Камаев эшен карады. Камаев, башкалардан аермалы буларак, гаебен тулысынча таныды.

– Мин элек нык эчә идем. Эшсез калгач, хәләлем табибка алып барды. Биш ел эчмәдем. Кичә “ычкындым”, димәк, тагын эшсез калдым, дигән сүз. ДАИ хезмәткәрләре тоткарлаганда нинди халәттә булуымны да хәтерләмим, – диде Камаев.

Район хастаханәсенең ашыгыч ярдәм бүлегендә үткәрелгән тикшерү вакытында райондашыбызның канында спиртның тиешле нормадан алты тапкыр артык булуы ачыкланган.

Фото – Татар-информ архивыннан