Йолдызнамә (25 ноябрь – 2 декабрь)

Кучкар (21 март-20 апрель)

Кучкарларның тормышында үзгәрешләр булуы ихтимал. Бу, эштә яңа бинага күчү, я булмаса, яшәү урынын алыштыру да булырга мөмкин. Әгәр сез хезмәт баскычында күтәрелергә теләсәгез, җитәкчегез алдында фикерегезне ачык итеп әйтергә курыкмагыз. Кеше серен кешегә сөйләмәгез, үзегегезнекен дә җиде йозакка бикләгез.

Үгезбозау (21 апрель-20 май)

Үгезбозаулар, тискәре хисләргә ирек куймагыз, позитив булыгыз. Эш белән бәйле бәхәсле мәсьәләләрне хәл иткәндә, бүтәннәргә юл куеп, сез отачаксыз гына. Чәршәмбе көнне эштә ашыгыч мәшәкатьләр туарга яки көтелмәгән тикшерү килеп төшәргә мөмкин, итәк-чабулырыгызны җыеп йөрегез. Атна азагында сөйгәнегез белән күңелле сәфәр көтә.

Игезәкләр (21 май-21 июнь)

Берничә ел дәвамында тынгылык бирмәгән җитди проблеманы, ниһаять, җиңел генә хәл итеп куячаксыз. Язмыш үзе бу авыр ситуациядән чыгу юлын күрсәтәчәк. Сезне бу атнада онытылмас очрашулар көтә. Яратуыгызга һәм яратылуыгызга инанырсыз. Тормышыгызның җайга салынуын тоеп сөенерсез.

Кысла ( 22 июнь-22 июль)

Үпкә һәм аңлашылмаучылыклар үткәндә калачак, ә ел буе җыелган проблемалар исә, акрынлап хәл ителәчәк. Өстәмә һөнәр үзләштерү, яңа эш урынына күчү мөмкинлеге туачак. Коллективта авторитетыгыз үсәчәк, хезмәт хакыгыз артачак. Эшкә куанып бару үзе үк бәхет бит, шулаймы? Уңышлы атна!

Арыслан ( 23 июль-23 август)

Карьерагызга куркыныч яный бугай, сезне сайлау алдына куярга мөмкиннәр. Карышмаска, ә вакыйгаларга үз уңаена агарга мөмкинлек бирергә кирәк. Пәнҗешәмбе көнне игътибарсызлык аркасында киткән хаталарыгызны төзәтү мөмкинлеге барлыкка киләчәк. Җомга көнгә планлаштырылган эшлекле сәфәрләр уңышлы узачак.

Кыз ( 24 август-23 сентябрь)

Сезгә бөтенләй чит-ят кешедән ярдәм сорарга туры киләчәк. Якыннарыгызның ярдәм итүдән баш тартуын күңелегезгә авыр алырсыз. Ләкин бу сезгә киләчәккә сабак булыр. Күңел төшенкелегенә бирелмәгез, үзегезгә ошаган шөгыль белән шөгыльләнегез. Шимбә көнне гаугадан читтәрәк булырга тырышыгыз.

Үлчәү ( 24 сентябрь-23 октябрь)

Пәнҗешәмбе шактый ыгы-зыгылы һәм киеренке булыр сыман. Эшегез килеп чыкмаса, җан-фәрманга тырышмагыз, күпмедер вакытка кичектереп торыгыз. Ниятләрегез һәм планнарыгыз турында никадәр азрак сөйләсәгез, алар шулкадәр тизрәк тормышка ашачак. Ялларда дусларыгыз белән рәхәтләнеп ял итегез.

Чаян ( 24 октябрь-22 ноябрь)

Бу атнада тормышыгызны үзгәртә торган акылга сыймаслык вакыйгалар булырга мөмкин. Сез мәхәббәтегезне очратырсыз, һәм ул кеше бик тиз арада гаилә кору турында сүз башлар сыман. Ризалашыгыз, ялгышмассыз. Сезне һөнәри өлкәдә дә уңышлар һәм зур табыш көтә. Бу Чаяннар өчен - уңыш атнасы!

Укчы( 23 ноябрь- 21 декабрь)

Якыннарыгызга һәм дусларыгызга ярдәм итәргә онытмасагыз, бу атна сезне әкияти мөмкинлекләр белән бүләкләр. Атна хезмәттәшлеккә, кызыклы очрашуларга һәм ерак сәфәрләргә бай. Гаиләдә булган проблемалар да өреп юкка чыгачак. Сез, магнит кебек, үзегезгә уңышны тартып китерәсез.

Кәҗәмөгез ( 22 декабрь-20 гыйнвар)

Бу атнада ялкауланырга ярамый, югыйсә, планлаштырылган эшләрегезне башкарып чыга алмаячаксыз. Ихтыяр көчегезне тупларга туры киләчәк. Яңалыкларга игътибарлы булыгыз, аларның берсе сезнең өчен зур мөмкинлекләргә юл ачачак. Җомга көнне вакытыгызны күңел ачуга сарыф итмәсәгез, күп нәрсә эшләргә өлгерерсез.

Сукояр ( 21 гыйнвар-18 февраль)

Сез хәзер максатны гына күрәсез, каршылыкларны сизмисез, аларга игътибар итмисез. Үзегезгә ышаныч сезгә көч бирә. Хезмәттәшләрегезнең фикерләренә колак салыгыз, алар сезне кызыклы идея белән рухландырырга һәм ул глобаль планнарның башы булырга мөмкин. Гаиләгезгә күбрәк вакыт бирегез.

Балык ( 19 февраль- 20 март)

Пәнҗешәмбе көнне интуициягезгә колак салыгыз, ул сезгә дөрес юл күрсәтер. Атнаның икенче яртысында башыгыз-колагыгыз белән бик кызыклы эшкә чумарсыз. Ул эш финанс хәлегезне яхшырту мөмкинлеге дә бирәчәк. Ялларда сезне кызыклы танышу көтә. Юк, димәгез, кем белә, әллә ул гомерлек ярыгыздыр?

Тулырак: https://shahrikazan.ru/news/goroskopp/yoldyznam-25-noyabr-2-dekabr

Фото – нейрочелтәр