14 мең сумлык алкоголь продукциясе һәм азык-төлек урлаганнар

Районда бер сәүдә үзәгенең тәрәзәсен ватып, 14 мең сумлык алкоголь продукциясе һәм азык-төлек урлаганнар. Караклар төнлә 23.00 һәм 3.00 сәгатьләр аралыгында кибетне өч мәртәбә басарга җитешкәннәр. Караклар – 1964 һәм 1972 елгы Мөслим кешеләре. “Караклар моңа кадәр 15 мәртәбә хөкем ителгән. Аларга биш елга кадәр иректән мәхрүм ителү яный, – ди район эчке эшләр бүлегенең уголовный розыск бүлекчәсе җитәкчесе Булат Замалиев. – Әлеге сәүдә үзәгендә бер ай эчендә өч урлашу теркәлде. Касса янында төшеп калган акча янчыгын 1962 елгы Әлмәт кешесе урлаган. Чистай шәһәре кешесе терминалны “эләктергән". Урлашкан өчен һәркайсы җавапка тартылачак.

Фото - Татар-информ архивыннан