Район сабантуе программасы
Бәйрәм 9 июньдә Мөслимдәге “Нурлыгаян” паркында узачак. Иртәнге 7.00-15.00 сәгатькә кадәр Урожайная урамының Кооператив урамы белән киселешеннән Банк урамы киселешенә кадәр участогы автотранспорт өчен ябылачак.
9.30-10.00 сәг. Паркның Ык елгасы каршындагы капка төбендә, милли ихаталарда кунакларны каршылау.
10.00-10.10 сәг. Сабан туен тантаналы ачу.
10.10-10.35 сәг. Район башлыгы һәм хөкүмәт вәкиленең Сабантуй бәйрәме белән котлавы, кыр батырларын тәбрикләү.
10.35-11.00 сәг. Әдәби музыкаль күренеш.
11.00-14.00 сәг. Бәйрәм концерты.
11.00-15.00 сәг. Милли көрәш.
11.00-15.00 сәг. Аттракционнар һәм уеннар.
11.00-13.00 сәг. Балалар мәйданчыгында балалар өчен Сабантуй.
13.00-14.30 сәг. Ат чабышлары.
13.00-14.30 сәг. Район үзешчәннәре чыгышы.
14.00-15.00 сәг. “Наиком” ягулык станциясе челтәре балалар Сабантуе мәйданчыгында клиентлары арасында ел дәвамында барган акциягә йомгак ясый.
Сабантуйда үтәчәк уеннар
Туры баганага менү; капчык киеп йөгерү; йомырка салынган кашык кабып йөгерү (ир-егетләр, хатын-кызлар); капчык сугышы; катыктан тәңкә эзләү; көянтә-чиләк белән су ташу (ир-егетләр, хатын-кызлар); авыш баганага менү; чүлмәк вату; кул көрәше; җеп эрләү; штанга күтәрү; турникта күтәрелү; гер күтәрү, “Нива” машинасын тарту, гаилә уены (тачка йөртү ярышы).
Балалар өчен Сабантуй программасы
11.00-11.15 сәг. Балалар Сабан туен ачу.
11.15-13.00 сәг. “Яшь талантлар ” концерты.
11.15-13.00 сәг. Милли һәм тематик уеннар.
(Авыллардагы Сабан туе графигы – 6 биттә). 6+
Фото – "Мөслим-информ" архивыннан.
