Камыр серләре

Чүпрәле камыр ясаганда барлык продуктлар да җылы яки бүлмә температурасында булырга тиеш. Суыткычтан алынган ризыклар камырны тиз генә кабартмый. 
Пешкән бәлешнең камыры йомшак булсын өчен аны майларга кирәк. 
Бәлеш тиз генә искермәсен өчен камырга үсемлек мае кушалар. 
Өсте ачык бәлешләрнең эчлекләре кипмәсен дисәгез, уртача кызулыктагы мичтә генә пешерегез. 
Духовкада бәлеш көймәсен өчен, форма астына тоз сибәргә кирәк. 
Бәлеш өчен дөге бүрттергәндә суга 1 аш кашыгы аш серкәсе салыгыз. Дөге, ак булып, таралып торачак. 
Камыр баллы булса, чүпрәле камыр тиз генә кабармый. Пешергәндә көеп китәргә дә мөмкин. 
Әгәр дә йортыгызда чүпрә беткән икән, хафаланмагыз. Аның урынына ярты стакан сыра яки баллы булмаган минераль су салыгыз.

Лилия Шәймиева фотосы