Бу көнне Мөслимдә

20 июль. Борчак чабабыз.

Безнең хуҗалык игенчеләре урып-җыюга оешкан төстә керештеләр. Хәзер бөтен көч борчак чабуга юнәлдерелде. Бу культура бездә 650 гектар мәйданны били, шуның 270е – Тойгелде бүлекчәсендә. Хәзер эш фронты әлеге бүлекчә басуына күчте. Беренче көнне 55 гектар мәйданда борчак теземнәргә салынды. Кичә 15 агрегат катнашып, 100 гектардан артык мәйданда эш башкарылды. Тәҗрибәле комбайнчылар Н. Абдуллин, Г. Салихов, Р. Гыйльфанов, А. Гыйльманов, Г. Ягъфәров һәм башкалар, беренче көннән үк уңышлы старт алып, зур өлгерлек күрсәтәләр. Алар бүген биредә эшне тәмамлап, икенче бүлекчәгә күчәчәк.

М. Баһауов, совхоз директоры.

Фото – «Мөслим-информ» архивыннан.