Район мәдәният йортында Әниләр көненә багышланган бәйрәм кичәсе узды

Чарада махсус хәрби операциядә катнашучы батырларыбызның әниләре һәм тормыш иптәшләре, күпбалалы әниләр, районыбызда гомер итүче әни кешеләр кунак булды.
Район башлыгы Альберт Хуҗин хатын-кызларны бәйрәм белән котлады һәм әни кешенең кадерен белүнең, аны хөрмәт итүнең мөһимлеге турында сөйләде. Махсус хәрби операция зонасыннан улын көткән райондашыбыз Гөлназ Минһаҗева һәркемгә якыннары белән күңелле очрашулар теләде.
Чара район мәдәният йорты үзешчәннәренең һәм балалар сәнгать мәктәбендә шөгыльләнүче нәни мөслимлеләрнең чыгышлары белән үрелеп барды. 

Фото - район хакимиятенең матбугат хезмәтеннән.