Бәйге нәтиҗәләре

Татарстан Республикасы Министрлар Кабинеты боерыгы нигезендә авыл хуҗалыгы һәм азык-төлек Министрлыгы тарафыннан  "2022 елның иң яхшы комбайнчысы" республика бәйгесенең нигезләмәсе эшләнде. Бәйге нигезендә урып-җыю вакытында район буенча  иң яхшы күрсәткечләргә ирешкән, иң күп мәйданда иген суктырган комбанчыларны ачыклау максат итеп куелды. Урып-җыю тәмамланганнан соң бәйгегә йомгак ясалды.  Районнан 22 комбайнчы республика җиңүчеләре булдылар һәм аларга 30-50 мең сум күләмендә акчалата премияләр тапшырылды, - дип хәбәр итәләр Мөслим авыл хуҗалыгы һәм азык-төлек идарәсеннән.

Фото - авыл хуҗалыгы һәм азык-төлек идарәсе архивыннан