«Яшьлек» лагеренда экология көне

- Көн гадәттәгечә иртәнге зарядка һәм куркынычсызлык дәресеннән башланды. Тугаш авылы  китапханәчесе Флера Мәхүбрахманова "Син табигатькә кунакка килдең" дигән танып- белү әңгәмәсе үткәрде. Балалар табигать, агачлар һәм Кызыл китапка кертелгән хайваннар дөньясы турында мәгълүмат алдылар. Ял итүчеләр экологик әкиятләрне искә төшерделәр һәм  кызыклы хикәяләр сөйләделәр.
Төшке аштан соң тәрбиячеләр асфальтта экология темасына  рәсемнәр конкурсы үткәрделәр, Балалар табигатьнең пычрану проблемасына үз карашларын белдерделәр.
Зурлар отрядындагылар вожатыйлар белән бергә "Без үткән урында - чисталык" рейды үткәрделәр. Чишмә территориясен чүп-чардан чистарттылар.
Башлангыч сыйныф укучылары "Җир безнең кулларда" дигән стена газетасы чыгардылар, - дип хәбәр итәләр Түбән Табын интернат-мәктәбеннән.

Фотолар - Түбән Табын интернат-мәктәбе архивыннан