Соңгы кыңгыраудан соңгы вальс: Районыбызның 11 сыйныф укучыларына аттестат тапшырылды
Районыбызның 11 сыйныф укучылары өчен матур истәлекле чара – чыгарылыш кичәсе узды.
Быел районыбызның 6 мәктәбен 55 укучы тәмамлады. Укуда аеруча зур унышларга ирешкән өчен урта гомуми белем бирү турында аерым үрнәктәге аттестат һәм алтын медаль белән 11 райондашыбыз бүләкләнде. Тагын 3 укучыга көмеш медаль тапшырылды.
Иң шатлыклы, шул ук вакытта бераз ямансу да булган бәйрәм белән егет-кызларны район башлыгы Альберт Хуҗин тәбрикләп, матур теләкләрен җиткерде.
Мәгариф идарәсе җитәкчесе Лилия Хәбибуллина егет-кызлар белән горурлануын белгертте, үгет-нәсихәтләрен җиткерде.
Ата-аналар, укытучылар һәм килгән кунаклар рәхмәт сүзләре әйтте, истәлекләр белән уртаклашты, ә, иң мөһиме, рәхәтләнеп күңел ачты.
Фото: район хакимиятенең матбугат хезмәте
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең телеграм каналга кушылыгыз! Телеграм-канал
Нет комментариев