Мөслим укучысы Айгөл Светлякова үз командасы белән ракета очырды!

Бу зур уңышка юл күптән түгел узган «ФизХимПрорыв в ВШН: олимпиадная траектория» профильле сменасында башланган. Югары нефть мәктәбе остаханәсендә оештырылган «НефтеХим-Акселератор: от молекулы до стартапа» юнәлешендә Айгөл яңа белемнәр һәм практик күнекмәләр үзләштергән.

Дәресләрдә укучылар ракета ягулыгы һәм файдалы йөк параметрларын исәпләргә, 3 үлчәмле модельләштерү нигезләренә өйрәнгәннәр. Ә иң мөһиме: алган белемнәрен гамәлдә кулланып, чын технологик проектны тормышка ашырганнар. Алар ясаган ракета күккә күтәрелгән!

Бу – фәнни идеянең реаль нәтиҗәгә әверелүенә ачык мисал. «НефтеХим-Акселератор» проекты яшьләргә физика һәм химия фәннәрен тирәнтен өйрәнү белән беррәттән, инженерлык фикерләвен үстерергә дә мөмкинлек бирә.

Фотолар – Г.Тукай исемендәге Мөслим урта мәктәбеннән.