Җәнлекләр эзе буенча...

Җәнлекләрне тукландыру, алар өчен җимлекләр урнаштыру буенча зур эш башкарыла. Урманчылык территорияләрендә җимлекләр ясала, пошиларга, куяннарга – тоз, кыргый кәҗәләргә катнаш азык салына, кошларга вак таш һәм ком катнашмасы куела.

Мондый чаралар елына ике тапкыр – кышка кергәндә һәм яз айларында үткәрелә. 

– Кыргый хайваннарны ашату – төп биотехник эшләрнең берсе. Тоз, салам, ашлык һәм башка төр азык кышкы чорда хайваннарга тамак ялгарга мөмкинлек бирә, аларның авыруларга каршы торучанлыгын арттыра һәм контрольсез күченеп йөрүгә юл куймый. Хайваннар үзләре өчен куркыныч булмаган территориядә салкыннарны тыныч кына үткәрә алачак, – ди ТР Биологик ресурслар буенча дәүләт комитетының Мөслим бүлеге җитәкчесе Владимир Муринов.

Лилия Шәймиева

Лилия Шәймиева фотосы

Тулырак "Авыл утлары" газетасының 2023 ел 15 декабрь санында укыгыз.