Йомгаклау җыелыш узды

– Яңа ел һәм Раштуа бәйрәмнәреннән соң мари милли-мәдәни автономиясе әгъзалары йомгаклау җыелышына җыелды. Чара кысаларында шашка-шахмат турниры да оештырылды. Анда республика районнары, Марий Эл, Удмуртия, Ханты-Манси округы вәкилләре дә чыгыш ясады. Турнирда катнашучылар – элеккеге елларда үз район-республикаларында төрле җиңүләргә ирешкән оста уенчылар яхшы уен күрсәттеләр. Шахмат-шашка ярышларында “Мари  ушем” оешмасы җитәкчесе Игорь Кудрявцев, Удмуртия марилары җитәкчесе Анатолий Радыгин, шулай ук Владимир Козлов, Евгений Иванов, Олег Иванов, Иван Козырев катнашты. Турнирда катнашучыларга һәм җиңүчеләргә истәлекле бүләкләр тапшырылды.   

Миннемөхәмәт Мәрдиев, 
Мари Бүләр