Язгы ташуга әзерләнү максатыннан

Сирена тавышын ишеттегезме? Мөслим районында гадәттән тыш хәлләр килеп чыгу куркынычы турында халыкка ашыгыч төстә хәбәр итү комплекслы системасын тикшерү үтте. "Таттелеком" җәмгыяте бинасында "сирена С-40" гадәттән тыш хәлләр килеп чыгу турында гражданнарга хәбәр итү системасы урнаштырылган. Җиһазларның эшләвен тикшерү язгы ташуга әзерлекне тәэмин итү максатында үткәрелде. Хәл начарайган очракта халыкка сирена тавышы, массакүләм мәгълүмат чаралары аша, оператив хезмәтләр автомобильләре ярдәмендә хәбәр ителәчәк. Хәзерге вакытка тагын ике хәбәр итү системасы сатып алынган, аларны урнаштыру буенча эш бара.

- Авыл җирлекләре башлыклары урыннардагы хәбәр итү локаль системаларын тикшерергә бурычлы, - ди 123 нче янгын сүндерү часте җитәкчесе Фәнил Гыйззәтуллин.