Түбән Табын авыл җирлегендә балалар өчен экскурсия оештырылган

Балаларга һөнәри юнәлеш бирү һәм эшче һөнәрләрнең абруен күтәрү максатында Түбән Табын авыл җирлегендә урнашкан оешма-предприятие җитәкчеләре кызыклы чара оештырды. "Туган як" агрофирмасы, авыл җирлеге, интернат-мәктәп һәм төп мәктәп җитәкчеләре башлангычы белән укучылар өчен экскурсия үткәрелде. Балалар агрофирманың сөтчелек фермасында һәм тегермән-элеватор комплексында булып, андагы хезмәт төрләре һәм шартлары белән якыннан таныштылар, үзләрен кызыксындырган сорауларга җаваплар алдылар.