Татарстанда пенсия: 30 балл һәм 15 ел стаж кирәк. Үз-үзеңә эшләүчеләрнең стажы саналмы?

Иминият пенсиясе алу өчен, Татарстан халкы хезмәт эшчәнлеге дәверендә кимендә 30 пенсия баллы һәм 15 ел хезмәт стажы тупларга тиеш. Югыйсә, алар бары тик социаль пенсиягә генә өметләнә ала. Кайбер кешеләр үзмәшгуль буларак эшли. Бу чорның иминият стажында исәпкә алынамы-юкмы икәнлеге турында тулырак - «Татар-информ» агентлыгы материалында.

Үзмәшгуль буларак эшләүче татарстанлылар мәҗбүри пенсия иминиятенә взнослар күчерергә тиеш түгел. Шуңа күрә, бу статустагы эшчәнлек вакыты автоматик рәвештә иминлек стажына керми һәм булачак пенсия күләменә тәэсир итми.

Шул ук вакытта, үзмәшгульләр пенсия тупланмаларын формалаштыру турында мөстәкыйль рәвештә кайгырта ала. Моның өчен иминлек взносларын ирекле рәвештә түләү мөмкинлеге каралган, алар ярдәмендә тиешле чор пенсияне исәпләгәндә игътибарга алыначак.

Ирекле пенсия иминиятенә? Россия Социаль фонды программасында катнашуны рәсмиләштереп, «Минем салым» кушымтасы аша тоташырга мөмкин. Бу очракта кешегә пенсия баллары исәпләнәчәк.

Фото – «Татар-информ» архивыннан.