Татарстан Республикасы Авыл хуҗалыгы һәм азык-төлек министрлыгы авыл хуҗалыгы ярминкәләренә чакыра: шәһәрлеләр 500 тоннадан артык шикәр, 700 тонна ит һәм 2,8 млн тавык йомыркасы сатып алган инде

Шимбә көнне, 14 ноябрьдә, иртәнге 6дан Татарстан Республикасы Авыл хуҗалыгы һәм азык-төлек министрлыгы республика халкын Казан, Түбән Кама, Яр Чаллы һәм Яшел Үзән районының Октябрьский поселогында («Яңа Тура»сәүдә-ярминкә комплексы) ярминкәләргә арзан бәяләрдән авыл хуҗалыгы продукциясен сатып алырга чакыра. Шәһәрлеләр ит, казылык продукциясе, төрле сөт, сыр, май, йомырка, яшелчә, бал, шикәр, он, ярмалар һәм Татарстан муниципаль районнарыннан китерелгән башка фермер продукциясен сатып ала алачак.
Казан, Түбән Кама, Яр Чаллы шәһәрләрендә һәм Яшел Үзән районында үткәрелгән 9 көзге ярминкә нәтиҗәләре буенча 752,4 млн сумлык продукция китерелгән һәм сатылган. Шәһәр халкы 730 тонна ит, 175,6 тонна төрле сөт, 2,8 млн.тавык йомыркасы, 363,6 тонна он һәм 500,2 тонна шикәр комы, 21,6 мең тонна бәрәңге һәм яшелчә сатып алган.
Исегезгә төшерәбез, көзге ярминкәләр 12 сентябрьдә эшли башлады һәм атна саен Яңа елга кадәр дәвам итәчәк. Төрле мәйданчыкларда ассортиментның үз үзенчәлекләре бар һәм халыкның ихтыяҗларын исәпкә алып төзелгән.