Симәк мәктәбендә Зөфәр Садретдинов истәлегенә биатлон ярышлары узды

Симәк мәктәбендә әфганчы Зөфәр Садретдинов истәлегенә биатлон ярышлары узды. Бәйгедә беренчелекне Минзәлә районының Мөшеге мәктәбе командасы алды һәм кубок белән бүләнде. Шәхси беренчелектә призлы урын алган егет-кызларга бәйгенең иганәчесе - Симәк авыл җирлеге башлыгы Рифас Садретдинов йомшак уенчыклар һәм спорт сумкалары бүләк итте. Районның әфганчылар советы җитәкчесе Данил Госмановтан яхшы уенчыларга истәлек бүләкләре тапшырылды. Районның яшьләр белән эшләү һәм спорт бүлеге исә призерларны мактау грамоталары белән бүләкләде.