Һөнәрләргә ихтыяҗ кимеми
Мөслим политехника техникумын быел 34 укучы тәмамлый. Аларның 11е – эретеп ябыштыручы, 23е тракторчы-машинист белгечлеге алып чыга. Алар арасында Азнакай, Минзәлә, Актаныш, Сарман районнары егетләре дә бар.
Укучыларның күбесе техникумга 9 класс белем белән килә. 2019-2020 уку елында 182 укучы белем алды. Аларның 158е Мөслимебез егет-кызлары булса, 24е күрше районнардан килеп укыды. Техникумда алдагы уку елында тракторчы-машинист, эретеп ябыштыручы һөнәрләренә тагын ике белгечлек өстәләчәк. Аларның берсе пешекче-кондитер эше булса, икенчесе – авыл хуҗалыгы техникасын һәм җиһазларын эксплуатацияләү һәм ремонтлау белгечлеге. Бу төр белгечлекләргә уку вакыты да бер елга күбрәк – 3 ел 10 ай укыйсы була, – ди техникум җитәкчесе Илнар Миргалимов.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев