"Мәдәният» милли проекты буенча ТР сәнгать мәктәпләре 106 млн сумлык инструментлар алачак

«Мәдәният» милли проекты ярдәмендә быел Татарстан Республикасының 14 белем бирү учреждениесе 106 млн.385 мең сумлык яңа музыка уен кораллары алачак.

Ярдәмне 11 балалар сәнгать мәктәбе, Яр Чаллы һәм Әлмәт сәнгать көллияте, шулай ук Казан музыка көллияте алачак.

Музыка коралларыннан тыш, бу белем бирү учреждениеләре уку материаллары, тавыш җиһазлары, компьютерлар, оргтехника, мебель һәм фотоаппаратлар алачак.

Узган ел илкүләм проект буенча 63 өстәмә белем бирү оешмасы 21 млн 987 мең сум акчага үз илебездә җитештерелгән пианинолар алган.