Лицейда студентлар белән очрашу булды

Мөслим лицеенда студентлар белән очрашу кичәсе булып үтте. Әлеге очрашуда төрле елларда мәктәпне тәмамлап, бүгенге көндә югары уку йортларында белем алучы студентлар катнашты. Очрашуны оештыруның төп максаты-яшьләребезнең бердәмлеген булдыру. Алар үзләре укыган югары уку йортлары белән таныштырдылар, югары сыйныф укучыларына киңәш, тәкъдимнәрен җиткерделәр. Студентлар укучыларны яшьләргә кагылышлы республика программалары белән таныштырдылар. Кичә концерт номерлары белән үрелеп барды, студентларыбыз уеннарда бик теләп катнашты. Концерттан соң, яшьләр кичке дискотекада күңел ачты.