Хәрби-патриотик лагерь тәмамланды
10 июльдән башлап 18 укучыбыз Минзәлә шәһәрендә "Патриотлар үстерәбез" хәрби-патриотик лагерендә ял иттеләр.
Җиде көн дәвамында 10 яшьтән 16 яшькә кадәрге яшүсмерләр автомобиль төзелеше, медицина һәм янгынга каршы көрәш буенча әзерлекләрен арттырдылар, парашют эше һәм парапланеризм нигезләренә төшенделәр, автомат сүтеп җыяюны үзләштерделәр. Шулай ук пейнтбол һәм лазертагта көрәштеләр, картингларда һәм байкларда узыштылар.
Барлык дәресләр дә тәҗрибәле остазлар – мәктәп педагоглары, ДОСААФ инструкторлары, резервтагы офицерлар һәм профессиональ тренерлар күзәтүе астында үтте.
Лагерьдан балалар җүңүләр яулап, тәҗрибә һәм яхшы кәеф туплап кайттылар.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев